Investimi i OSHEE në Fushë-Krujë – Balluku: Përfitojnë 40 mijë banorë
Ministrja e Infrastrukturës dhe Energjisë, Belinda Balluku ka ndjekur nga afër investimin e OSHEE në nënstacionin e ri të Fushë-Krujës.
Sipas njoftimit të Ministrisë së Infrastrukturës dhe Energjisë nga ky investim i Operatorit të Shpërndarjes së Energjisë Elektrike do të përfitojnë 40 mijë banorë.
Investimi në fjalë do të realizojë ngritjen e nënstacionit mobil, ndërtimin e 5 fiderave 20 kV, ndërtimin e 120 kabinave, vendosjen e 2500 shtyllave dhe shtrimin e 130 km rrjet kabllor abc.
Sipas njoftimit, investimi gjithashtu do të përmirësojë ndjeshëm cilësinë e furnizimit me energji elektrike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.