Investitorët britanikë – Budd: Pas Brexit, me sytë nga Shqipëria
Dalja e ardhshme e Britanisë nga Bashkimi Europian dhe procesi i Brexit, ka bërë që investitorët e këtij vendi të jenë në një dilemë për investimet. Duke qenë se qeveria britanike është ende e paqartë me kushtet dhe kriteret e BREXIT, investitorët po hedhin sytë nga tregjet alternative dhe Shqipëria është një prej tyre. Kjo është përgjigja i që i jep interesimit të TV SCAN, Neil Budd, përfaqësues i interesave së investitorëve britanike.
Gjatë një takimi me anëtarë të Dhomës Britanike në Tiranë, Deputeti i parlamentit britanik, Jon Grogan, u shpreh se ekonomia shqiptare është premtuese dhe ka mjaft sektorë ku mund të investohet.
Dhoma Britanike po luan një rol të rëndësishëm në promovimin e resurseve të vendit tonë, në mënyrë që sipërmarrësit anglezë të kthejnë sytë nga Shqipëria për të investuar në fusha si energji, turizëm dhe infrastrukturë.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.