iPhone 8 – Teknologjia e shenjës së gishtërinjve tashmë e vendosur mbi ekran

Tashmë do të mund të zhbllokoni telefonin tuaj me një të prekur në ekranin tuaj OLED.

Një raport i ri nga Economic Daily News tregon se iPhone 8 do të përdorë një teknologji optike për skanerin e shenjave të gishtërinjve ku përdoruesit mjafton të vendosin gishtin e tyre direkt mbi ekranin OLED dhe të mund të shkyçin telefoninë tyre.

Gjithashtu raporti i ekranit do të ndryshojë nga 16:9 në iPhone 7 në 18.5:9 si dhe janë përfshirë sensorë infrared të cilët krijojnë mundësi për implementimin e teknologjive të tjera si realiteti virtual.

Sipas raportit, iPhone 8 pritet të jetë një ndryshim radikal jo vetën në funksionalitet por edhe në pamje me materiale ndërtimi prej çeliku dhe xhami. Ekrani do të shkojë në 5.8 inç për modelin Plus ndërsa varianti standard do të ngelet 4.7 inç.

Së fundi mbase edhe detaji më interesant është integrimi i një butoni qendror elegant dhe virtual mbi ekranin e telefonit. Çipi i ardhshëm i Apple, A11 do të prodhohet nga TSMC.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.