iPhone X, telefoni më i shitur – Apple ka dërguar 16 milionë njësi të produktit në tremujorin e fundit

IPhone X ka qenë smartphone më i shitur në tremujorin e parë 2018, gjë që shton lajmet pozitive për investitorët e Apple, pas publikimit të raportit të të ardhurave më herët gjatë javës.

Apple ka dërguar 16 milionë njësi të iPhone 10 në tremujorin që përfundoi më 31 Mars, duke zënë 4.6% të tregut të të gjithë modeleve gjatë periudhës.  Ky i fundit, u ndoq nga iPhone 8 dhe 8 Plus, me 12.5 milionë dhe 8.3 milionë njësi në mënyrë respektive.

Më pas ndoqi iPhone 7 me 5.6 milionë.  Xiaomi, që po përgatit listimin në Hong Kong nëpërmjet një oferte publike fillstare, ka dërguar 5.4 milionë njësi të produktit me çmim të ulët, Redmi 5A.

Në vend të 6 ka ndjekur Galaxy S9 Plus,  produkti kryesori Samsing, që ka dërguar 5.3 milionë njësi në tremujorin e parë.  Megjithatë, ky i fundit ka qenë në shitje për një periudhë të shkurtër gjatë tremujorit, duke e bërë rivalin kryesor të iPhone 10 në treg.

Rezultati mbështeti optimizmin që kreu ekzekutiv Tim Cook pati për iPhone X, pas publikimit të rezultatit për tremujorin. “Konsumatorët kanë zgjedhur iPhone X më shumë se çdo iPhone tjetër, në çdo javë gjatë tremujorit”, tha Cook.

Ndërkohë, Galaxy S9 dhe S9 plus janë prezantuar në Shkurt dhe kanë nisur shitjen në mes të muajit Mars, duke mos patur të dhëna për tremujorin e plotë.

Sipas Analistëve, ky i fundit pritet të kthehet në telefonin android më të shitur në të gjithë botën në tremujorin e dytë.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.