Irani lëshon urdhër arresti për Trump – I kërkon ndihmë Interpolit për ta arrestuar
Irani ka lëshuar një urdhër arresti për Donald Trump dhe 35 amerikanë të tjerë për vrasjen e gjeneralit të lartë iranian Qassem Suleimani dhe i ka kërkuar ndihmë Interpolit, tha të hënën prokurori i Teheranit Ali Alqasimehr, sipas agjencisë së lajmeve Fars.
Shtetet e Bashkuara vranë Suleimanin, udhëheqësin e Gardës Revolucionare, me një sulm me dron në Irak në 3 janar. Uashingtoni akuzoi Suleimanin për organizimin e sulmeve ndaj forcave amerikane në rajon.
Alqasimehr tha se urdhrat ishin lëshuar me akuzën e vrasjes dhe veprimeve terroriste. Ai tha se Irani i kishte kërkuar Interpolit të lëshonte një “njoftim të kuq” për Trump dhe individët e tjerë që Republika Islamike akuzon se morën pjesë në vrasjen e Suleimani.
Vrasja e Suleimanit i solli Shtetet e Bashkuara dhe Iranin në prag të një konflikti të armatosur pasi Irani u hakmor duke qëlluar raketa në objektivat e SHBA në Irak disa ditë më vonë.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.