Ish CEO i rrjetit të kafeneve “Starbucks” bën shpalljen: Do të garoj për postin e Presidentit të Amerikës!  

Ish shefi i rrjetit të kafeneve “Starbucks” ka deklaruar se po e konsideron seriozisht që të garojë për President të Shteteve të Bashkuara të Amerikës. Howard Schultz, që u largua si drejtues i kompanisë vitin e kaluar tha se po planifikon që të garojë si kandidat i pavarur i qendrës për 2020.

Në një seri postimesh në Twitter  ai tha se se dy partitë politike në Shtetet e Bashkuara janë më të ndara se kurrë. “Le të diskutojmë se si mund të bashkohemi për të krijuar mundësi për më shumë njerëz” postoi ai.

Në një intervistë për “60 minuta” në CBS, Schultz është shprehur se ka qenë gjithnjë demokrat por kritikoi  sistemin aktual dypartiak.

“Po jetojmë në kohëra të brishta, jo vetëm për faktin se ky president nuk është i kualifikuar për të qenë i tillë por edhe për faktin se të dy partitë nuk po bëjnë atë që duhet për amerikanët dhe janë të angazhuara çdo ditë në një politikë hakmarrëse” tha ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.