Ish kreu i KQZ-së, Kristaq Kume në SCAN: Identifikimi elektronik i votuesve risi. Por disa gjëra u lanë për në momentin e fundit

Ish kryetari i Komisionit Qendror të Zgjedhjeve Kristaq Kume  komenton ecurinë e deritanishme të procesit zgjedhor duke evidentuar risin e identifikimit elektronik të zgjedhësve. Sipas tij, nuk priten që të ketë probleme në lidhje me përdorimin e teknologjisë, edhe pse në aspektin organizativ disa gjëra u lanë për në momentin e fundit.

“Jemi para një risie në administrimin e procesit të votimit. Kërkohet që të bëhet identifikimi biometrik i zgjedhësve. Veç mënyrës tradicionale të identifikimin të zgjedhësve kemi edhe një komponent tjetër që nuk administrohet nga komisioni i qendrës së votimit por nga të tjerë që janë të kontraktuar nga komisioneri i lartë shtetëror.

Janë trajnuar si të tillë dhe pritet që shumë prej tyre deri në momentin e fundit të kërkojnë që të marrin më shumë informacion se si duhet të kryejnë detyrën e tyre. Ky është tregues i faktit që procesi i pëzgjedhjes dhe trajnimit të këtyre teknicieneve do të përdorin pajisjet elektronike, nuk është zhvilluar siç duhet, për mendimin tim. Pra në kohë dhe cilësisht më i mirë se kaq. Dhe kjo ka radhur për shumë arsye. Mund të renditen shumë arsye por sado arsye që të ketë asnjëhere nuk do ta justifikojë sepse siç dihet është konsumuar jashtëzakonisht shumë energji derisa u arrit që palët ranë dakord që tashmë dhe ne e kemi vënë në punë këtë komponent të rëndësishëm të përdorimit të teknologjsë së informacionit dhe administrata sëbashku me kompaninë shumë gjëra i lanë në momentin e fundit. Deri para pak ditësh kishte një numër jo të vogël qendrash që ishin të pambuluara me teknicienë që duhet të bënin këtë gjë.

Por ky proces ka hyrë tashmë në linjë. Është vetëm një qendër votimi që nuk arrin të përdorë këtë mënyrë të identifikimkit të zgjedhësve dhe pas kësaj, për sa kohë që është vënë tashmë në punë, nuk ka asnjë faktor që mund të afektojë negativisht” tha Kume.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.