Ish-kryeministri maqedonas, Gruevski kërkon azil politik në Hungari
Ish-kryeministri i Maqedonisë, Nikola Gruevski, ka njoftuar se po kërkon azil politik në Hungari.
Përmes një postimi në profilin e tij në Facebook, Gruevski ka deklaruar se ka marrë kërcënime për jetën, ndërsa shton se do të mbetet besnik ndaj çështjes maqedonase.
“Në ditët e fundit kam marrë shumë kërcënime për jetën. Tani jam në Budapest, ku unë kam kërkuar azil politik nga autoritetet hungareze. Do të mbetem gjithmonë besnik ndaj çështjes maqedonase “, shkruan Gruevski në profilin e tij.
Javën e kaluar Policia ka lëshuar një urdhër arresti ndaj ish-kryeministrit, pasi ai supozohet të vuajë dënimin me dy vjet burg lidhur me akuzën për korrupsion.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.