Ish-ministri Oliver Letwin: Nëse marrëveshja e May dështon përsëri, Britania do të përballet me një dalje potenciale pa marrëveshje
Pas deklaratës së kryeministres May, për një shtyrje tjetër të datës së daljes së Britanisë nga BE, ka reaguar ish-ministri i kabinetit Oliver Letwin.
’Parlamentit britanik duhet t’i jepet mundësia për të gjetur një mënyrë alternative për të lënë Bashkimin Evropian dhe ligjvënësit do të mbështesin një marrëdhënie pas-Brexit në stilin Norvegjez,’’ – u shpreh ai.
Sipas tij nëse Thereza May nuk do të arrijë të realizojë marrëveshjen e saj gjatë javës së ardhshme atëherë, duhet të përcaktohet nëse ka një shumicë ndërpartiake për disa alternativa zgjidhjeje të menjëhershme. Ideja e tij konsiston në përcaktimin e një takimi me anëtarët e parlamentit të të gjitha partive, të cilët mund të sjellin propozime alternative dhe të shohin nëse, do të jetë e mundur që të mund të arrihet shumica për disa alternativa, të cilat mund të sjellin një zgjidhje të menjëhershme.
Ai paralajmëroi se nëse marrëveshja e Majit dështon përsëri dhe parlamentit nuk u jepet vota indikative, atëherë Mbretëria e Bashkuar do të përballet me një dalje potenciale pa marrëveshje.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.