Ish presidenti francez Nikolas Sarkozy rrezikon 1 vit burg! Çështja kalon te Krimet e Rënda
![](https://www.scan-tv.com/wp-content/uploads/2018/03/sarko-765x383.jpg)
Ish-presidenti i Francës, Nicolas Sarkozy ka humbur betejën në Gjykatën e Apelit dhe së shpejti do të përballet me Gjykatën e Krimeve të Rënda për akuzën e financimit illegal të fushatës së tij elektorale në vitin 2012.
Sarkozy, i cili momentalisht po përballet edfhe me një akuzë tjetër për korrupsion ndaj një gjyqtari, akuzohet në këtë gjyq për tejkalimin e limitit të financimit në fushatë, e cila është në vlerën e 22.5 milion eurove.
Prokurorët pretendojnë se 64 vjeçari Sarkozy, ka shpenzuar rreth 43 million euro në fushatën e tij elektorale për të fituar një mandat të dytë në krye të Francës.Në këtë betejë ai humbi përballë Francois Hollande.
Investiguesit pretendojnë se Sarkozy përdori disa llogari false për të shmangur limitet e shpenzimit në një fushatë.
Sarkozy i ka mohuar akuzat duke u shprehur se ishte në padijeni të mashtrimit dhe kjo vepër ishte kryer nga drejtuesit e kompanisë së marrëdhënieve publike, Bygmalion.
Ish-presidenti rrezikon 1 vit në burg dhe një gjobë prej 3,750 eurosh, nëse dënohet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.