Ish-të përndjekurit, 600 trashëgimtarët që marrin këstin e dytë të dëmshpërblimit

Ministria e Financave ka publikuar listën e trashëgimtarëve të ish-të dënuarve politikë që janë në radhë për të marrë dëmshpërblimin. Për të mundësuar pagesën për këstin e dytë, personat duhet të plotësojnë dokumentet e nevojshme, dhe kjo duhet të ndodhë brenda një muaji nga dita e sotme. Bëhet fjalë për 600 përfitues, emrat e të cilëve Gazeta “Shekulli” i boton sot si më poshtë. Ky grupim trashëgimtarësh, që nga koha kur u miratua ligji i dëmshpërblimeve, ka marrë deri tani vetëm një këst, çka tregon se ecuria e pagesave për këtë kategori është jashtëzakonisht e dobët.

Dokumentet

Sipas Ministrisë së Financave, trashëgimtarët e ish-të dënuarve duhet të sigurohen pranë bankës në të cilën kanë hapur llogarinë që llogaria e tyre është aktive. Në rast se llogaria nuk është aktive, shuma e dëmshpërblimit kthehet mbrapsht në buxhet, duke sjellë vonesa dhe ndërlikime të panevojshme. Kur kemi ndryshim të identitetit, emër a mbiemër, apo në rastet kur në certifikatë ndryshon emri ose mbiemri, qoftë edhe me një germë të vetme në krahasim me dëshminë e trashëgimisë apo prokurës, kartës së identitetit dhe çdo dokumenti tjetër të nevojshëm, duhet medoemos që në të gjitha dokumentet emrat të jenë të njëjtë me atë që është shkruar në certifikatën e lëshuar nga gjendja civile. Në rast se ka transkriptime të gabuara gjatë kohës nga një certifikatë e një periudhe të caktuar, atëherë këto ndryshime duhet të pasqyrohen brenda formatit të certifikatës apo edhe të një vërtetimi të veçantë të lëshuar nga zyra e gjendjes civile. Ligji parashikon edhe rastet e ekzekutimeve pa gjyq. Në listën e publikuar në Ministrinë e Financave shënohen me X dokumentet që mungojnë dhe me V dokumentet që janë në rregull. Në fund të çdo dosjeje trashëgimtarësh jepen shpjegime për dokumentet që duhen dorëzuar.

Për listën e plotë klikoni këtu

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.