Ish të përndjekurit, dosjet që kanë mungesë dokumentesh për marrjen e këstit të 7-të të dëmshpërblimit. Kriteret për përfitim
Publikohet nga Ministria e Financave dosja me emrat e ish të përndjekurve politikë, të cilëve iu është refuzuar marrja e këstit të 7 të dëmshpërblimit. Bëhet fjalë për dosjet e kategorisë parësore, të refuzuara nga juristi për mungesë dokumentacioni për marrjen e këstit të 7 (shtatë) të dëmshpërblimit financiar.
Në këtë listë, MF ka specifikuar edhe dokumentin e munguar në dosje, ku në disa prej tyre kërkohet rinovimi për të qenë i kualifikuar në skemë. Pak kohë më parë MF njoftoi edhe çeljen e këstit të 7 të dëmshpërblimit për ish të përndjekurit politik, duke kërkuar dorëzimin e dokumenteve për të marrë paratë.
Ashtu siç u bë e ditur, mbështetur në ligj, VKM dhe urdhrin e Ministrisë së Financave, pagesa për kategorinë e subjekteve parësore, kryhet sipas kësaj radhe:
-Ish të dënuarat politike gra, që jetojnë në momentin e dhënies së pagesës;
-Ish të dënuarit politikë, që jetojnë në momentin e dhënies së pagesës dhe që kanë moshën mbi 75 vjeç me hyrjen në fuqi të këtij ligji;
-Ish të dënuarit politikë, të cilët vuajnë nga sëmundje të rënda, sipas përcaktimit të aktit nënligjor të posaçëm;
-Ish të dënuarit politikë që jetojnë në momentin e dhënies së pagesës, të cilët pavarësisht nga mosha, kanë pasardhës të radhës së parë në moshë të mitur, me hyrjen në fuqi të këtij ligji;
-Ish të dënuarit politikë që nuk jetojnë dhe që kanë trashëgimtarë të radhës së parë, të cilët janë në moshë të mitur me hyrjen në fuqi të këtij ligji;
-Ish të dënuarit politikë që jetojnë në momentin e dhënies së pagesës dhe që kanë moshë nën 75 vjeç me hyrjen në fuqi të këtij ligji.
Lista e kandidatëve
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.