‘Ishull gjelbërimi’ për “28 nëntorin” e Elbasanit – Si pritet të duket sheshi pas rehabilitimit? (FOTO)
Bashkia Elbasan ka shpallur tenderin për rehabilitimin e sheshit midis rrugës “Qemal Stafa” dhe Unazës Perëndimore në Elbasan.
Fondi i vënë në dispozicion të projektit është 4.6 milionë lekë dhe konsiston në ndërtimin e një lulishteje në lagjen “28 nëntori”.
Sipas dokumentacionit të tenderit, zona do të shndërrohet në një “Ishull gjelbërimi”, me lule shumëngjyrëshe.
Tenderi i shpallur në Agjencinë e Prokurimit Publik mbyllet me 24 nëntor, ndërsa afati kohor për ekzekutim, është dy muaj, që nga lidhja e kontratës me subjektin fitues.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.