Israel, gjenden monedha ari 900-vjeçare – Datojnë që nga koha e kryqëzatave

Një koleksion i monedhave të arit që besohet të jenë fshehur 900 vjet më parë, është zbuluar nga arkeologë në Cezaresë, qytetin e lashtë të portit të Izraelit.

Vendi i fshehtë u gjet së bashku me monedhat e arit në tenxhere prej bronzi midis gurëve anës një pusi. Grumbulli i 24 monedhave duket se është fshehur nga dikush që shpresonte ta merrte përsëri atë, por që nuk u kthye kurrë. Arkeologët thonë se pronari mund të ketë vdekur kur banorët e qytetit u masakruan nga kryqëzatat në 1101. Zbulimi, të cilin specialistët e kanë identifikuar që i përket fundit të shekullit të 11-të, është bërë gjatë një projekti gërmimi dhe konservimi në vendin e Trashëgimisë Botërore të Cezaresë.

Ajo u gjet në mes të dy gurëve në anën e një pusi në një shtëpi në një lagje që datonte në periudhat Abbaside dhe Fatimide. “Memoriali është një dëshmi e heshtur për një nga ngjarjet më dramatike në historinë e Cezaresë: pushtimi i dhunshëm i qyteti nga Kryqëzatat “ – thanë arkeologët nga Autoriteti i Antikeve të Izraelit. Kjo shtoi se sipas burimeve të shkruara, se shumica e banorëve të Cezaresë u masakruan nga ushtria e Baldwin I, i cili sundoi mbretërinë kryqëzatave të Jerusalemit ndërmjet viteve 1100 dhe 1118.

“Është e arsyeshme të supozojmë se pronari i thesarit dhe familja e tij vdiqën gjatë masakrës ose u shitën si skllevër dhe prandaj nuk ishin në gjendje të merrnin arin e tyre” – thanë drejtorët e gërmimeve, Dr Peter Gendelman dhe Mohammed Hatar. Zbulimi u gjet pranë vendndodhjes së dy thesareve të tjera të së njëjtës periudhë – një tenxhere me bizhuteri ari dhe argjendi të gjetur në vitet 1960 dhe një koleksion të enëve prej bronzi të gjetura në vitet 1990. Këto thesare janë aktualisht të ekspozuara në Muzeun e Izraelit në Jerusalem.

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.