Italia do të bëjë ulje të fortë taksash pas pak muajsh. Paralajmërimi i Salvinit: Përgatituni për një përballje të fortë
“Duke nisur nga viti tjetër do të bëjmë shkurtime të forta të taksave, përgatituni për një përballje të fortë me Europën”. Kështu ministri i Brendshëm dhe zëvëndëskryeministri Matteo Salvini është përgjigjur në një takim publik ndaj një pyetje ku i kërkohej axhenda e muajve të ardhshëm.
“Unë durimin e një peshkatari e kam, nëse do të gjejmë një dakordësi do ta bëjmë me buzëqeshje, nëse jo, do ta bëjmë gjithsesi” u shpreh Salvini.
Ajo që duhet evidentuar është se Italia dhe Bashkimi Europian janë në një përballje të fortë prej muajsh lidhur me buxhetin dhe financat publike.
Burimi: ANSA/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.