Italia do të zvogëlojë objektivin e rritjes së GDP-së në 2020 me rreth 0.6%

Italia do të ulë objektivin e saj për rritjen ekonomike vitin e ardhshëm në rreth 0.6%, sipas tre burimeve të Reuters, pasi qeveria po përgatit buxhetin e saj për vitin 2020 për t’u paraqitur në parlament këtë muaj.

Synimi i mëparshëm, parashikonte rritje prej 0.8%. Rritja këtë vit është parë tani me vetëm 0,1%, krahasuar me një parashikim prej 0.2%.

Sipas një skenari të pandryshuar politikash, prodhimi i brendshëm bruto vitin e ardhshëm do të ishte rreth 0.4%, i cili do të forcohet paksa nga masat për rritjen e buxhetit.

Deficiti buxhetor do të synohet në afro 2.2% të Prodhimit të Brendshëm Bruto, thanë dy prej burimeve, megjithëse ata shtuan se ndryshimet margjinale të minutës së fundit ishin të mundshme për shkak të bisedimeve të vazhdueshme me Komisionin Europian.

Deficiti i këtij viti aktualisht është shënjestruar zyrtarisht në 2.04%, por burimet thanë se do të jetë disi më i ulët. ( Reuters )

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.