Italia gjobit Amazon me 1.1 miliardë euro për abuzim në dominimin e tregut!

Mbikëqyrësi antitrust i Italisë tha të enjten se kishte gjobitur Amazon me 1.13 miliardë euro për abuzim të supozuar të dominimit të tregut, në një nga dënimet më të mëdha të vendosura ndaj një gjiganti të teknologjisë amerikane në Europë. Amazon tha se “nuk pajtohej plotësisht” me vendimin e rregullatorit italian dhe do të apelonte.

Shqyrtimi rregullator global i gjigantëve të teknologjisë është rritur pas një sërë skandalesh mbi privatësinë dhe keqinformimin, si dhe ankesat nga disa biznese se abuzojnë me fuqinë e tyre në treg. Sikurse Amazon edhe Google, Facebook, Apple dhe Microsoft i Alphabet kanë pasur një kontroll të shtuar në Europë.

Mbikëqyrësi i Italisë tha në një deklaratë se Amazon kishte shfrytëzuar pozicionin e saj dominues në tregun italian për shërbimet e ndërmjetësimit në tregje për të favorizuar adoptimin e shërbimit të vet logjistik. Autoriteti tha se Amazon e lidhi përdorimin e aksesit në FBA me një sërë përfitimesh ekskluzive, duke përfshirë etiketën Prime, që ndihmojnë në rritjen e dukshmërisë dhe rritjen e shitjeve në Amazon.it.

Etiketa Prime e bën më të lehtë shitjen tek më shumë se 7 milionë konsumatorëve më besnikë dhe me shpenzime të larta, anëtarë të programit të besnikërisë së Amazon. Autoriteti antitrust tha gjithashtu se do të vendosë hapa korrigjues që do t’i nënshtrohen shqyrtimit nga një administrues i besuar monitorues. Amazon tha se FBA “është një shërbim krejtësisht opsional” dhe se shumica e shitësve të palëve të treta në Amazon nuk e përdorin atë.

Komisioni i BE-së tha se kishte bashkëpunuar ngushtë me autoritetin italian të konkurrencës për këtë rast, në kuadër të Rrjetit Europian të Konkurrencës, për të siguruar konsistencën me dy hetimet e veta në vazhdim mbi praktikat e biznesit të Amazon.

E para u hap në korrik 2019 për të vlerësuar nëse përdorimi i Amazon i të dhënave të ndjeshme nga shitës me pakicë të pavarur që shesin në tregun e saj ishte në kundërshtim me rregullat e konkurrencës së BE-së. E dyta, në fund të vitit 2020, u fokusua në trajtimin e mundshëm preferencial të ofertave të shitjes me pakicë të Amazon dhe atyre të shitësve të tregut që përdorin shërbimet logjistike dhe të shpërndarjes së Amazon. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.