Italia i druhet emërimit të ‘shqiponjës’ Weidmann në krye të BQE
Mundësitë e presidentit të Bundesbank në garën për pasardhësin e Mario Draghit në krye të bankës Qendrore Europiane po rriten orët e fundit. Opozita e Macron dhe e Liberal Demokratëve (Një nga forca fituese në zgjedhjet e fundit) kundrejt gjermanit Manfred Weber, kandidatit të PPE-së. Përveç se nëse vetë Merkel nuk merr përsipër mbrojtjen e tij në zgjedhjen për pozicionin e presidentit të Këshillit Europian, skenari i mësipërm mund t’i hapë rrugën ‘shqiponjës’ gjermane Weidmann.
Negocimi është ende në vazhdim dhe gjithçka ende mund të ndodhë, por është e qartë se një hipotezë e tillë rrezikon të komplikojë krizën financiare që ka goditur borxhin publik të Italisë dhe që kohët e fundit ka filluar të përkeqësohet për shkak të konflikteve midis Komisionit, i cili ka dërguar një përkujtues zyrtar në Itali për llogaritë dhe qeverinë italiane, e cila nëpërmjet fituesit të ri të zgjedhjeve evropiane, Matteo Salvinit, ka rifilluar propozimin e një plani stimulues fiskal prej 30 miliardë eurosh.
Shkurtimisht, emërimi i Weidmann është një rrezik për Italinë, sepse presidenti i Bundesbank në vitet e fundit e ka dalluar veten se ka qenë gjithmonë në kundërshtim me masat kyçe të ndërmarra nga BQE nën udhëheqjen e Draghi.
Sipas UBS, emërimi i numrit një të Bundesbank në krye të BQE mund të përshpejtojë procesin e normalizimit të politikës monetare dhe rritjes së normave, në mënyrë që të mos lërë BQE të përballet me recesionin e ardhshëm pa instrumente. Kjo pritje, me gjasë, do të ketë efektin e nxitjes së rritjes së yield-eve dhe përhapjes së obligacioneve qeveritare të zonës euro.
Italia në veçanti rrezikon të përfundojë në qendrën e ‘stuhisë’ në këtë situatë. Sidomos pasi që, pavarësisht zbutjes së fundit të disa prej pozicioneve të tij, bankieri gjerman kurrë nuk ka ‘gëlltitur’ plotësisht mburojën të ashtuquajturën anti-spread, planin OMT. Sipas bankës zvicerane, nuk është e sigurt nëse rezultati do të jetë shumë i ndryshëm edhe nëse presidenti i ardhshëm do të ishte i një linje mendimi si Draghi si rasti i francezit François Villeroy.
Burimi: Ilsole24ore
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.