Italia, me ambasadë të re – Shpallet tenderi për ndërtimin e godinës

Ambasada Italiane ka njoftuar shpalljen e tenderit për ndërtimin e dy ndërtesave të reja; selinë e Kancelarisë Diplomatike dhe Konsulloren e Italisë në Tiranë. “Një ambasadë e re për një Tiranë që ndryshon” është slogani shoqërues i njoftimit zyrtar të projektit, për të cilin do të ketë edhe një konferencë për shtyp, me 28 tetor.

Ambasada Italiane ka njoftuar shpalljen e tenderit për ndërtimin e dy ndërtesave të reja, konkretisht selinë e Kancelarisë Diplomatike dhe Konsulloren e Italisë në Tiranë. Shpallja, së bashku me dokumentacionin shoqërues është bërë publike në faqen zyrtare të Ambasadës Italiane.

“Është hapur një tender për identifikimin e subjekteve që do të ftohen në procedurën e kufizuar për caktimin e shërbimeve të “projektimit paraprak”, “projektimit përfundimtar” dhe “projektimit ekzekutiv”, “menaxhimit të ndërtimit” dhe “koordinimit të sigurisë në projektim dhe ekzekutim”. “në lidhje me prishjen dhe rikonstruksionin e dy ndërtesave selia e Kancelarisë Diplomatike dhe Konsullore të Italisë në Tiranë me vendndodhje në Rrugën Papa Gjon Pali ii, 2 Tiranë (Shqipëri).” shkruhet në publikimin zyrtar të ambasadës.

Me 28 tetor, ambasadori Fabrizio Bucci do të mbajë një konferencë për shtyp pranë ambienteve të politeknikut, lidhur me detajet e projektit.

Konferenca do të zhvillohet me praninë e ministres së kulturës, Elva Margariti dhe Kryetarin e Bashkisë, Erion Veliaj. Prezenca e ministres Margariti vjen edhe për faktin se ambasada italiane në Tiranë është monument i trashëgimisë kulturore, vendim ky i shpallur në vitin 2007.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.