Italia ‘në krizë humanitare’? – Më shumë se 2100 refugjatë zbarkojnë në brigje
Më shumë se 2,100 migrantë mbërritën në një ishull italian gjatë fundjavës, njoftoi media italiane, ndërsa qindra të tjerë ishin në telashe në ujërat malteze sipas një OJQ-je.
Disa qindra migrantë të tjerë arritën në Lampedusa para agimit të hënën, pas më shumë se 1,400 që mbërritën të Dielën.
Shumë njerëz thuhet se flinin në dyshekë jashtë qendrës së zënë për strehimin e migrantëve në Lampedusa.
Agjencitë italiane të lajmeve thanë se rreth 400 migrantë mbërritën me një anije të vetme, ndërsa një anije tjetër 20 metra me 325 njerëz u pa 13 km larg brigjeve të ishullit.
E diela pa numrin më të madh të migrantëve që dolën në breg në një ditë të vetme në një port italian këtë vit.
OJQ Alarm Phone, e cila drejton një linjë për të shpëtuar migrantët, ka bërë thirrje për ndihmë për të mbledhur pasagjerë nga pesë anije që transportonin më shumë se 400 njerëz jashtë Maltës. “Situata në bord është kritike … Një shpëtim është i nevojshëm tani,” tha ai.
Ndërkohë autoritetet gjyqësore siciliane rinovuan një ndalim për çdo ndërhyrje në det nga anija e shpëtimit Sea-Watch 4.
SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.