Italia shndërron tragetin në spital lëvizës – Javën e ardhshme do të jenë gati 200 kabina

Sipas informacionit të publikuar nga Ansa në Genova të Italisë është duke u pregatitur shndërrimi i tragetit GNV në një qendër spitalore lëvizëse për të lehtësuar kështu sadopak fluksin e spitaleve në të gjithë vendit si pasojë e përhapjes masive të Koronavirusit.

Për të shndërruar një traget Gnv në një spital anti-koronavirus lëvizës “kemi punuar gjithë natën. Deri sonte do të kemi specifikimet mjekësore, ka të ngjarë që të hënën të mund të njoftojmë kohërat fikse, të cilat nuk do të shkojnë përtej javës tjetër. Në pesë ditë do të jemi të gatshëm ta përdorim” është shprehur Presidenti i Rajonit të Liguria Giovanni Toti për median italiane Canale 5.

”Është një lajm i mirë, por nuk është ilaçi i të gjitha sëmundjeve,” nënvizon Toti. Në traget do të fillojmë me module me 25 vendësh për të shkuar deri në 200, sepse anija ka 400 kabina por distancat e sigurisë duhet të respektohen medoemos.

Anija spitalore mund të shërbejë për të shtruar njerëz pozitivë ndaj virusit të shkarkuar nga spitalet, por në gjendje të shërohen në shtëpi, raste jo serioze pozitive, ose mund të përdoret për të liruar shtretërit në ambientet shëndetësore në rast urgjence. (ANSA)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.