Italia sjell kufizime të reja për Call Center-at: Tani ka një procedurë të re për bllokimin e thirrjeve!

Është folur që në fillim të vitit, por sot duket se është zyrtare: nga fundi i muajit, ose brenda shkurtit 2022, do të mund të bllokohen thirrjet hyrëse nga call center edhe nga celularët. Regjistri i kundërshtimeve ndaj telemarketingut të egër, deri tani i rezervuar vetëm për telefonat fiks, është shtrirë edhe në rrjetin celular.

Njoftimi erdhi drejtpërdrejt nga Simone Baldelli, kryetare e komisionit hetimor parlamentar për mbrojtjen e konsumatorëve dhe përdoruesve, e cila konfirmoi se brenda pak javësh do të jetë aktive një rregullore e re për regjistrin e kundërshtimeve, e shtrirë në thirrjet e automatizuara, pa operatorë dhe në telefoninë celulare.

Përveç rasteve të paparashikuara, rregullorja e re që do të hyjë në fuqi do të zgjerojë zbatueshmërinë e Regjistrit Publik të Kundërshtimeve, shërbimi falas për përdoruesin që ju lejon të kundërshtoni përdorimin për qëllime reklamimi të numrave të telefonit që zotëroni dhe adresave postare, të pranishme në listat publike, nga operatorë që kryejnë veprimtari marketingu me telefon ose me postë, ky regjistër tashmë vlen vetëm për rrjetin fiks.

Për t’i thënë lamtumirë thirrjeve të padëshiruara edhe në linjën celulare, mjafton të regjistroheni nëpërmjet internetit, telefonit, emailit ose me një letër rekomande.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.