Italia, Spanja, Portugalia, Greqia: Strategji të përbashkët të BE-së për energjinë!
Udhëheqësit e Italisë, Spanjës, Portugalisë dhe Greqisë bënë thirrje për një strategji të përbashkët të BE-së për të garantuar sigurinë energjetike të bllokut, pasi konflikti në Ukrainë bëri që çmimet të rriteshin. Kryeministri italian Mario Draghi tha se ata donin “masa konkrete në tryezë për të mbrojtur të gjitha vendet anëtare” në samitin e javës së ardhshme të 27 liderëve të Bashkimit Europian në Bruksel.
Draghi priti Sanchez dhe kryeministrin portugez Antonio Costa, ndërsa i Greqisë, Kyriakos Mitsotakis, i cili rezultoi pozitiv me koronavirus në fillim të kësaj jave, mori pjesë përmes telefonatës. Shtetet e veçanta europiane kanë ndërmarrë tashmë veprime për të reduktuar dhimbjen e çmimeve të larta të energjisë, të cilat tashmë po rriteshin përpara se Rusia të pushtonte Ukrainën — dhe më pas u rritën.
Por disa po shtyjnë për veprim kolektiv të BE-së për problemin, i cili vjen i nxehtë pas shkatërrimit të shkaktuar nga pandemia e koronavirusit. Draghi ka theksuar më parë rëndësinë e diversifikimit të furnizimit me energji të Europës dhe nxitjes së burimeve të rinovueshme të energjisë. Ai përmendi gjithashtu të premten “shkëputjen” e tregjeve të energjisë dhe gazit dhe fiksimin e një çmimi për gazin, duke shtuar: “Një menaxhim i përbashkët i tregut të energjisë do të ishte i dobishëm për të gjithë.”
Komisioni Europian tha javën e kaluar se planifikon të reduktojë ndjeshëm importet e gazit rus duke shfrytëzuar furnizimet e reja të gazit, duke rritur rezervat për dimrin e ardhshëm dhe duke përshpejtuar përpjekjet për të qenë më efikas në energji.
Mitsotakis i Greqisë tha se “asnjë vend nuk mund të përballet plotësisht dhe efektivisht me një krizë të tillë i vetëm” — dhe vuri në dukje rreziqet politike të faturave të larta të energjisë. “Kjo krizë energjetike mund të rizgjojë makthin e populizmit në kontinentin tonë,” shtoi ai, duke thënë se Greqia kishte “paguar një çmim të rëndë” në këtë drejtim. AP
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.