Izraeli teston dozën e katërt të vaksinës – Pret miratimin e Ministrisë. Grupi i testimit përfshin 150 bluza të bardha
Një spital në Izrael ka administruar doza të katërta të vaksinës së Covid-19 ditën e Hënë tek një grup i testimit, ndërkohë që vendi po konsideron të miratojë masën për grupet e cënuara në përpjekje për të frenuar rritjen e infeksioneve të nxitura nga Omicron. Studimi i Qendrës Mjekësore Sheba në periferi të Tel Avivit do të përqëndrohet në efikasitetin e vaksinës për të prodhuar antitrupa dhe sigurinë, në mënyrë që të vlerësojë nëse do të duhet një dozë e katërt. Të gjithë 150 subjektet e testimit janë staf mjekësor.
Paneli i ekspertëve të Ministrisë së Shëndetësisë rekomandoi në javën e kaluar që izraeli të bëhet vendi i parë në botë që ofron një dozë të katërt të vaksinës, apo një dozë të dytë përforcuese, tek ata në moshë 60vjeç e sipër, ata që kanë sistem të cënuar shëndetësor, apo stafin mjekësor. Propozimi u mirëprit nga qeveria e izraelit, që ka hasur vështirësi për të nxitur vaksinimin. Megjithatë, doza e katërt pret ende miratim përfundimtar nga drejtori i përgjithshëm i ministrisë, Nachman Ash, një mjek që sipas ekspertëve vendimi i të cilit do të merret pa ndëryrjen e qeverisë. Duke marrë parasysh shqetësimet mbi mungesën e të dhënave të testimit, Ash mund të amendojë krieteret e përsonave të përshtatur për vaksinim, duke rritur moshën në 70 vjeç dhe hequr stafin mjekësor nga grupi.
Rreth 63% e popullsisë prej 9.4 milionë kanë marrë dy dozat e para të vaksinës, sipas të dhënave të ministrisë, me thuajse 45% që kanë marrë një dozë të tretë, apo përforcuese. Vendi ka raportuar mbi 2,000 raste me Oimcron, të konfirmuara apio të dyshuara. Izraeli ka qenë vendi me programin më të shpejtë të vaksinimit një vit më parë dhe u bë ndër vendet e para që zbuloi rënien e imunitetit me kalimin e kohës, duke reaguar me një fushatë të gjerë të dozave nxitëse.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.