Izraeli vlerëson dozat nxitëse / Qeveria, në dialog me kompanitë e vaksinave për një dozë të tretë

Izraeli po diskuton për doza nxitëse të Covid-19 me kompanitë e barnave, sipas kryeminsitrit Naftali Bennettt, ndërkohë që vendi po përballet me rritje të infeksioenve nga varianti Delta. Organizata Botërore e Shëndetësisë theksoi këtë javë se varianti Delta është zbuluar në 111 vende në 2 muajt e fundit dhe pritet të bëhet mbizotëruesi në botë në muajt e ardhshëm. Në Izrael, zë rreth 90% të rasteve të konfirmuara, sipas ministrisë së Shëndetësisë.

Në Izrael, rreth 60% e 9.3 milionë banorëve kanë marrë të paktën  1 dozë të vaksinës së Pfizer me BioNTech. Varianti i zbuluar në Indi, ka sjellë një rrije të rasteve në të gjithë botën dhe pritet të pengojë planet e rimëkëmbjes ekonomike. Hulumtuesit dhe kompanitë po përpiqet të ndryshojnë vaksinat aktuale për të parandaluar humbjen e normës së efektshmërisë kundër varianteve të reja.   Pasi uli numrin e infeksioneve të koronavirusit në një shifrore dhe numrin e vdekjeve në zero, Izraeli hoqi masat e distancimit social në mes të Qershorit. Megjithatë, infeksionet ditore janë rritur shpejtë së fundmi, në një mesatare javore prej rreth 500 dhe disa masa të kufizimeve janë vendosur përsëri.  Bennett tha përballë publikut se Delta mund të mposhtet brenda 5 javëve, pa karantinën e kushtueshme, nëse njerëzit veprojnë me përgjegjësi duke u vaksinuar, veshur maska dhe mbajtur distancë sociale.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.