Ja cila është lista e gjatë dhe e trishtë e eventeve të anuluara prej COVID-19!
Me epideminë e koronavirusit që vazhdon të zgjerohet, në dukje i pamëshirshëm, ekziston vetëm një skenar në tryezë për ngjarjet dhe eventet madhore: të shtyhen ose të anulohen totalisht. Në këtë drejtim, lista e viktimave të Covid-19 po bëhet më e gjatë dhe më e rëndësishme. Një javë pasi Organizata Botërore e Shëndetit (OBSH) e shpalli virusin një pandemi, tani ka më shumë se 200,000 të infektuar në mbi 150 vende, me mbi 8,000 të vdekur. Strategji të ndryshme për të përballuar infeksionin po përparojnë gjithnjë e më shpejt në vende të ndryshme, me Shtetet e Bashkuara, Spanjë, Francë dhe Angli që kanë imponuar forma të izolimit të detyruar për të gjithë qytetarët e tyre ditët e fundit, megjithëse me shkallë të ndryshme kufizimesh, duke ndjekur me ca vonesë rrugën tashmë të gjurmuar nga Kina dhe në një masë tjetër nga Italia.
Mbi gjysmë miliardë njerëz në të gjithë botën e gjejnë veten të privuar nga disa nga liritë më themelore personale, të tilla si të shkojnë në shëtitje ose të marrin pjesë në një koncert, në rastin më të keq, ose me shkolla dhe zyra të mbyllura deri në një datë të pacaktuar, mee ftesën e qeverisë përkatëse për të qëndruar në shtëpi dhe për të shmangur sa më shumë kontaktet e panevojshme. Megjithatë, kjo do të thotë gjithashtu se sektorë të tërë të shoqërisë, ekonomisë dhe kulturës bazuar në mbledhjet në grupe janë shtrembëruar në mënyrë të pariparueshme. Për herë të parë në dekada ose që nga lindja e tyre, shumë ngjarje të rëndësishme nuk do ta shohin dritën e ditës nga kjo pranverë.
Ja cilat janë më të rëndësishmet:
- EURO 2020
- Europa Champions League
- NBA Basketball
- Maratona në Boston
- Gjysëm maratona e New York
- Tribeca në New York
- Film Festival në Pragë
- E3 (ekspozita më e madhe në botë e industrisë së video lojrave)
- Konferenca e Game Developers në San Francisco
- London Book Fair
- Salloni i Librit në Torino, Paris, Bologna dhe Venezia
- Ted Talk në Vankuver
- South by Southwest në Texas
- Tomorrowland
- Festivali Coachella Valley Music and Arts
(WIRED)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.