Ja cilët janë dy shkencëtarët të kurorëzuar me “Çmimin e Energjisë Globale”, për kontributin në të ardhmen e njerëzimit

Ja cilët janë dy shkencëtarët të kurorëzuar me “Çmimin e Energjisë Globale”, për kontributin në të ardhmen e njerëzimit

Disa nga sfidat më të mëdha që bota po has sot sillen rreth energjisë së qëndrueshme alternative: si ta krijojmë atë, ta ruajmë dhe ta përdorim në mënyrë efiçente.

Me rritjen e temperaturave rreth globit dhe rritjen e ngjarjeve me raste ekstreme moti, shkencëtarët po prodhojnë gjithnjë e më shumë ide të reja për të përdorur energji tërësisht me bazë natyrore.

Për këtë arsye Shoqata Globale e Energjisë ka krijuar një çmim, i cili i jepet shkencëtarëve më të mirë të fushës dhe punimeve të tyre drejt krijimit të alternativave të reja për njerëzimin që nga viti 2003.

Këtë vit eventi ndodhi në Moskë në datën 3 Tetor dhe ky çmim i ka shkuar dy shkencëtarëve mjaft të njohur.

I pari prej tyre ishte Dr. Khalil Amine për “kontributin e jashtëzakonshëm në zhvillimin e një skeme të re për ruajtjen e energjisë elektrike” si dhe profesorit Frede Blaabjerg për “kontributin e jashtëzakonshëm teknik në krijimin e sistemeve menaxhuese që mundësojnë integrimin e energjisë së rinovueshme”.

Punimet e dy shkencëtarëve kanë ndihmuar shumë në botën e sotme për avancimin e makinave elektrike në rastin e Dr. Khalil dhe për funksionimin eficent të energjive të rinovueshme si panelet diellore për profesor Blaabjerg.

Çmime të tilla si ky i Energjisë Globale rrit vëmendjen ndërmjet shteteve dhe promovon mundësitë e investimeve private dhe partneritetet midis organizatave, të cilat do të luajnë rol kyç në përballimin e sfidave të së ardhmes përsa i përket sektorit të energjisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.