Ja se si do të funksionojnë masat e reja kufizuese të Boris Johnson në Britaninë e Madhe!

Pas shtatë javësh dhe me më shumë se 30,000 vdekje, nuk është ende koha për të hequr masat kufizuese të koronavirusit në Mbretërinë e Bashkuar, sipas Boris Johnson. Por ndërsa nxit publikun që të “qëndrojë vigjilent”, kryeministri ka hartuar planin e tij për lehtësimin e kufizimeve në jetën e përditshme.

Shkoni në punë

Ministrat nuk u thanë kurrë njerëzve që të mos punojnë fare, por të punojnë në shtëpi nëse do të mundnin. Tani Johnson po e ndryshon këtë theks, duke u thënë njerëzve të shkojnë jashtë për të punuar nëse nuk mund të punojnë nga shtëpia. Ideja është që ekonomia të lëviz përsëri, veçanërisht në sektorë të tillë si ndërtimi dhe prodhimi.

Johnson dëshiron që njerëzit të marrin biçikleta, të ecin ose të drejtojnë makinat e tyre për të vajtur në punë, në vend që të marrin trenat dhe autobusët, sepse distanca sociale do të zvogëlojë hapësirën në dispozicion për transportin publik. Të hënën, qeveria do të përshkruajë udhëzime për bizneset se si ta bëjnë veten “të sigurt nga COVID-19”.

Piknik në park

Nga 13 maji, njerëzit do të jenë në gjendje të largohen nga shtëpitë e tyre për të bërë sport jashtë sa herë që dëshirojnë. Kufizimi aktual për një udhëtim në ditë do të marrë fund dhe njerëzit mund të vizitojnë parqet për t’u ulur ose për të bërë piknik në afërsi të shtëpive të tyre apo edhe për të takuar një person tjetër, për sa kohë që ato mbeten 2 metra larg. Sporte të tilla si golfi, tenisi dhe aktivitete të tjera të kohës së lirë që nuk kërkojnë kontakt të ngushtë gjithashtu mund të zhvillohen.

Plazhi

Gjithashtu nga e Mërkura, familjet do të jenë në gjendje të udhëtojnë në plazhe ose parqe për të bërë shëtitje ose për të kaluar kohën jashtë. Kjo vlen vetëm për Anglinë, pasi rregulla të ndryshme mund të zbatohen në Uells dhe Skoci. Distanca sociale – duke qëndruar 2 metra larg nga të tjerët – do të vazhdojë të zbatohet.

Gjobat e rënda

Kushdo që nuk respekton rregullat për distancimin shoqëror do të përballet me gjobë duke filluar nga 100 paund me një rritje prej 60 paund nga më parë. Gjobat mund të arrijnë deri në një maksimum prej 3,200 paund për shkelësit e përsëritur.

Karantinë

Të gjithë pasagjerët që vijnë në MB me ajër – përveç nga Franca – së shpejti do t’u kërkohet të karantinojnë veten për 14 ditë. Ky hap është krijuar për të ndaluar ri-hyrjen e virusit në vend nga jashtë.

Dyqanet

Nga 1 qershori, Johnson dëshiron të shohë “rihapjen në faza” të dyqaneve. Udhëzimet e hollësishme do të pasojnë.

Rihapja e shkollave

Shkollat ​​fillore do të rihapen nga 1 qershori për fëmijët në grupmoshat më të reja dhe ato në fazat e tyre të fundit të arsimit fillor: 10-vjeç dhe 11-vjeç në vitin 6. Fëmijëve të tjerë do t’ju kërkohet të vazhdojnë të qëndrojnë në shtëpi.

Në disa momente para se shkollat të fillojnë pushimet e gjata të verës në korrik, disa studentë të ciklit të mesëm dhe gjimnazistët që do të bëjnë provime do të lejohen të kthehen. Këta janë nxënës në Viti 10 dhe Viti 12. Nxënës të tjerë të shkollave të mesme nuk do të kthehen në klasë para Shtatorit.

Bare dhe lokale

Nga korriku, disa pjesë të industrisë së mikpritjes mund të lejohen të hapen. Në realitet, kjo do të kufizohet në kafenetë e parqeve në ambiente të hapura që mund të respektojnë distancat sociale. Pub-et nuk pritet të përfshihen. Gushti tani është më i hershmi kur pjesa tjetër e industrisë së mikpritjes mund të shpresojë të jetë në gjendje të rifillojë biznesin, megjithëse nuk është e qartë nëse pub-et dhe baret do të mund të jenë në gjendje të hapen edhe atëherë. Si gjithmonë, do të varet nga shkalla e infeksionit.

Qëndroni Alert

Një sistem i ri me pesë nivele “Covid Alert Level” do të jetë i vendosur për të komunikuar një kuptim të qartë se sa i keq është shpërthimi i virusit. Niveli 1 do të thotë që nuk ka shpërthim dhe jeta vazhdon si normale. Niveli 5 është i rezervuar për llojin e “katastrofës” që Johnson tha se vendi deri më tani ka shmangur: një kulm kritik që mposht Shërbimin Kombëtar të Shëndetit. Niveli aktual vlerësohet të jetë 4 dhe po shkon drejt 3, thanë zyrtarët.(Bloomberg)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.