Janari i monedhave/ Çfarë ndodhi me euron, paundin dhe dollarin përballë lekut
Monedha europiane euro e ka mbyllur muajin me të njëjtin nivel këmbimi me lekun si në fillim të vitit. Nëse analizojmë ecurinë e monedhës europiane përballë lekut, rezulton se nivelin më të lartë euro e ka arritur me 17 janar kur këmbehej me 122.30 lekë.
Rritja e euros përballë lekut nisi me 13 janar kur kapërceu në nivelin e 122 lekë por kjo rritje zgjati deri me 18 janar kur më pas ra sërish në nivelin e 121 lekëvem, për të vijuar rënien e për ta mbyllur muajin e parë të vitit në nivelin 120.90 lekë.
Dollari amerikan vs lek
Ndryshe ka ndodhur me monedhën amerikane që e mbyll muajin me rritje përballë lekut. në fillim të muajit janar, dollari amerikan këmbehej me 107.40 lekë dhe po e mbyll muajin në nivelin 108.18 lekë. nivelin më të lartë të këtij muaji, dollari e njohu me 28 janar kur këmbehej me 108.54 lekë.
Paundi britanik vs leku
Paundi britanik është monedha me luhatjet më të shumta përballë lekut. Paundi e nisi vitin duke u këmbyer me 144 lekë, me një tendencë rritëse që kulmoi me 17 janar kur u këmbye me 146.58 lekë. Në ditët e fundit të muajit, paundi ra në nivelet e 144 lekëve dhe ka një tendencë rikuperuese.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.