Janet Yellen do rikthehet në “lojë”. Biden pritet ta caktojë sekretare të Thesarit përballë krizës së koronavirusit

Presidenti i zgjedhur Joe Biden, pritet të nominojë ish- kryetaren e Rezervës Federale, Janet Yellen, në krye të Thesarit të Shteteve të Bashkuara, duke thyer barrierën gjinore 231-vjeçare.  Sekretarja e re, një ekonomiste e vjetër dhe eksperte e tregut të punës, do të drejtojë vendin jashtë recesionit më të keq që prej Depresionit të Madh. Kjo lëvizje, e konfirmuar nga aleatët demokratë të Biden, do të ndryshojë qasjen e Departamentit të Thesarit mbi rritjen e pabarazisë ekonomike dhe ndryshimin klimatik, si dhe do tërheqë politikat e administratës së Trump mbi zbritjet tatimore dhe lehtësimin e rregulloreve financiare.  Yellen- 74-vjeç, do t’i japë Biden dekada të eksperiencës mbi politikat ekonomike dhe është një person që respektohet nga Kongresi, zyrtarët e financave ndërkombëtare dhe grupet e bizneseve.  Ajo ka bërë thirrje për rritjen e shpenzimeve fiskale për të rimëkëmbur ekonominë e goditur nga koronavirusi dhe do të jetë personi i parë që drejton Thesarin, Rezervën Federale dhe Këshillin Ekonomik të Shtëpisë së Bardhë.  Posti do të përfaqësojë një serë sfidash të reja për Yellen, eksperienca e të cilës në 20 vitet e fundit është përqendruar tek politikat monetare, e jo fiskale. Yellen hyri në histori në vitin 2014 kur u bë gruaja e parë që drejton Rezervën Federale.  Presidenti republican, Donald Trump, refuzoi të rinovojë mandatin e saj dhe e zëvendësoi me Jerome Poëell në vitin 2018.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.