Japonia do të fillojë lëshimin e ujit radioatkiv të Fukushimës në det për 2 vjet
Qeveria e Japonisë vendosi të martën të fillojë lëshimin e sasive masive të ujit të trajtuar radioaktiv nga uzina e shkatërruar Fukushima në Oqeanin Paqësor në dy vjet – një opsion i kundërshtuar ashpër nga peshkatarët dhe banorët vendas.
Vendimi, i spekuluar prej kohësh, por i vonuar për vite për shkak të shqetësimeve të sigurisë dhe protestave, erdhi në një takim të ministrave të kabinetit të cilët mbështetën lëshimin në oqean si opsionin më të mirë.
Uji akumuluar është ruajtur në rezervuarë në uzinën Fukushima Daiichi që nga viti 2011, kur një tërmet masiv dhe tsunami dëmtuan reaktorët e tij dhe uji i tyre ftohës u ndot dhe filloi të rridhte.
Operatori i uzinës, Tokyo Electric Power Co., thotë se kapaciteti i tij i magazinimit do të jetë i plotë në fund të vitit të ardhshëm. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.