Japonia ka arritur të shpikë një akullore të re që nuk shkrin
Në këtë verë të nxehtë, disa akullore në Japoni po qëndrojnë të ftohta dhe nuk po shkrijnë.
Kjo është meritë e një zbulimi aksidental të bërë në Qendrën Zhvillimore dhe Kërkimore të Bioterapisë, çka ndihmoi të shpikte këtë lloj të ri akulloreje.
Kanazawa Ice, e njohur edhe si “akullore që nuk shkrin”, doli për herë të parë në dyqane në qytetin e Kanazawa-s në Prill e më pas u shtri edhe në Osaka dhe Tokio.
Përbërësi sekret që e ndihmon të mbajë formën e saj është një polifenol i lëngshëm, i cili nxirret nga luleshtrydhet.
“Polifenoli i lëngshëm ka disa veçori që e vështirësojnë procesin e ndarjes të ujit dhe vajit e në këtë mënyrë akullorja mund të mbajë formën origjinale për një kohë më të gjatë se zakonisht. Kjo e bën atë më të vështirë për të shkrirë”, thotë Tomihisa Ota, një nga shpikësit.
Kompania nuk po përpiqej të krijonte akullore që nuk shkrijnë. Ajo e zbuloi këtë surprizë kur i kërkoi një shefi embëlsirash të bënte një lloj të ri ëmbëlsire duke përdorur polifenolin e luleshtrydheve. Kjo ishte një përpjekje për të përdorur edhe ato luleshtrydhe që nuk ishin në gjendje aq të mirë sa për t’u shitur.
Shefi ankohej se kremi forcohej, sapo vinte në kontakt me polifenolin.
Sipas provave të bëra, akullorja mundi të qëndrojë pesë minuta në formën e saj në diell në temperaturën 28 gradë celcius.
溶けないアイス?
金粉かけて食べるやつ。
金アレあんねんけど食べてみた?
アナフィラキシーなったらどーしよ(⊙ө⊙)笑#石川県 #金沢 #ひがし茶屋街 #溶けないアイス #金粉 pic.twitter.com/Wd7ooPeP2e— kuu (@310Kuu) July 9, 2017
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.