Japonia vaksinon personat mbi 65-vjeç. Fushata e ngadaltë nuk pritet të frenojë valën e katërt të Covid-19

Japonia ka nisur vaksinimin tek popullsia e moshuar në nisje të Javës,  ndërkohë që dozat e importuara ndodhen ende në ofertë të kufizuar dhe imunizimi nuk ka gjasa të ndalojë valën e katërt.  Injeksioni për njerëzit në 65-vjeç e sipër nisi në 120 qendra përreth vendit, duke përdorur vaksinën e Pfizer të prodhuar në Europë.  Vetëm 2,810 njerëz në Tokio pritet të marrin një dozë nga pako e parë, ndërkohë që rajonet e tjera do marrin 1,000 doza apo më pak, sipas ministrisë së Shëndetësisë.  Japonia ka një popullsi në plakje të shpejtë, me një total prej 126 milionë.  Gjatë një vizite në një qendër të vaksinimit në Tokio, Kryeministri Yoshihide Suga, tha se pret të sigurojë 100 milionë doza deri në fund të Qershorit, që janë më se mjaftueshëm për të injektuar popullsinë e moshuar prej 36 milionë.  Tokio nisi ditën e hënë një periudhë 1 mujore të masave emergjencë, për të frenuar valën e katërt të koronavirusit, që po nxitet nga mutacionet më ngjitëse, ndërkohë që po afrojnë dhe Lojërat Olimpike.  Vasksinat për popullsinë e përgjithshme nuk pritet të disponohen deri nga fundi i Verës, apo në Dimër, ç’ka sipas ekspertëve do të jetë shumë vonë për të ndaluar rishfaqjen e rasteve që po përqendrohet tek njerëzit në 30-40 vjeç.   Japonia ishte një ndër ekonomitë e fundit të mëdha në nisjen e fushatës së vaksinimit, në mes të Shkurtit, pasi provave të ashpra të sigurisë.  Japonia do të varet vetëm tek vaksina e Pfizer, pasi është e vetmja e miratuar nga rregullatorët e brendshëm. Deri më tani, rreth 1.1 milionë njerëz në Japoni, kryesisht punonjës të shëndetësisë, kanë marrë të paktën 1 dozë të vaksinës.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.