‘Java e Bregdetit Mesdhetar’: Pa bashkëpunim nuk ka të ardhme të përbashkët!
Ishin 100 pjesëmarrës nga të gjitha vendet anëtare të EUSAIR dhe jashtë saj, gjatë edicionit të 6-të online “Javë së Bregdetit Mesdhetar dhe Strategjive Makro-Rajonale”.
Sipas njoftimit për shtyp ky event synon të rrisë ndërgjegjësimin për detin dhe brendësinë e tij, potencialin natyror dhe ekonomik për të cilin krenohet dhe ravijëzon rreziqet si rezultat i fenomeneve natyrore dhe aktiviteteve njerëzore.
EUSAIR është një strategji e BE-së për rajonin Adriatik dhe Jon, i cili adreson sfidat e përbashkëta të rajonit dhe forcon angazhimin e palëve të interesuara për kohezionin ekonomik, social dhe territorial. Strategjia u miratua nga Komisioni Europian në vitin 2014, duke e bërë atë strategjinë e tretë makro-rajonale në BE që përfshin nëntë vende: Greqi, Kroaci, Itali, Slloveni, Shqipëri, Bosnje dhe Hercegovinë, Mal i Zi, Serbi dhe nga viti 2020 edhe Maqedoninë e Veriut.
Ai bazohet në katër shtylla tematike: rritja blu, lidhja e rajonit, cilësia mjedisore dhe turizmi i qëndrueshëm.
Objektivat janë përmirësimi i cilësisë së jetës në brigjet e detit të përbashkët, ruajtja e biodiversitetit dhe administrimi më i mirë i pellgjeve lumore nëpërmjet rregullimeve konkrete dhe zbatimi i regjimeve të bazuara në respektimin e shërbimeve të ekosistemit në tokë, në bregdet dhe në det në rajonin Adriatik dhe Jon.
Më shumë informacion mund të gjeni në adresën: https://www.adriatic-ionian.eu/about-eusair/pillars/green-pillar/.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.