Java nis sërish me rritje për Dollarin amerikan. Dobësohen Paundi dhe Franga!
Monedha europiane e ka nisur këtë javë në vlera konstante pasi vijon edhe sot të blihet me 121 lekë dhe të shitet me 121.6 lekë sikurse edhe javën e kaluar.
Dollari amerikan e ka nisur javën pozitivisht pasi ka fituar sërish pikë në raport me javën që shkoi duke u blerë këtë mëngjes me 107.9 lekë dhe duke u shitur me 108.9 lekë.
Paundi britanik ndërkaq ka shënuar një rënie të vlerës mëngjesin e sotëm pasi krahasuar me javën e kaluar blihet me 143.9 lekë dhe shitet me 145 lekë sipas kursit të këmbimit lokal.
Franga zvicerane gjithashtu ka humbur pikë këtë fillim jave pasi në raport me javën e shkuar është blerë sot me 116.1 lekë dhe është shitur me 117.1 lekë referuar tregut të brendshëm valutor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.