Javë rekord për bursat – Regjistrohet performanca më e mirë në 6 vite
Tregjet e aksioneve në të gjithë globin kanë mbyllur javën me performancën më të mirë në 6 vite, pas dy javësh me radhë në rënie të ndjeshme. Po gjatë javës, dollari preku nivelin më të ulët që prej vitit 2014.
Indeksi MSCI global, që mat performancën e bursave në 47 vende të ndryshme të globit u rrit kështu me 0.4%, pasi regjistroi rënien më të madhe që prej 2015 gjatë javës së kaluar.
Indeksi ndërkohë ka mbyllur gjatë javës performancën më të mirë që prej Dhjetorit të vitit 2011. Kjo ka bërë që të rifitojë më shumë se gjysmën e humbjeve të dy javëve të kaluara.
Humbjet fiksohen në 10.7% në total. Rritja globale e kostove të huamarrjes është udhëhequr nga yieldet 10-vjecare amerikane, që prekën nivelin më të lartë në 4 vite.
Gjatë javës ndërkohë, edhe bursat europiane kanë regjistruar një performancë të kënaqshme me indeksin pan-europian në rritje me 3%.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.