Javid justifikon “Planin B” të Johnson – “Njerëzit të kuptojnë se kufizimet tani do të shmangin karantinën më vonë”
Sekretari i Shëndetësisë, Sajid Javid, tha se vendimi i Britanisë për të aplikuar masa të kufizimeve që parandalojnë variantin Omicroin, do të shmangë me shumë mundësi nevojën për të aplikuar masa më të ashpra në Vitin e Ri. Kryeministri Boris Johnson shtoi kufuzimet e Covid-19 në Angli këtë Javë, duke urdhëruar njerëzit që të punojnë nga shtëpia, vendosin maska në ambiente publike dhe përdorin pasaporta të vaksinave për të ngadalësuar përhapjen e variantit Omicron. Javid tha se varianti Omicron po përhapet më shpjetë se çdo variant tjetër të studiar dhe mund të sjellë 1 milionë infeksione në Mbretërinë e Bashkuar deri në fund të muajit, nëse transmetimi vazhdon me normën aktuale.
Qeveria ka vepruar në mënyrë që të ndalojë mbingarkesën e Shërbimit Kombëtar të Shëndetësisë, sipas Javid. “Shpresoj se shumica e njerëzve do e kuptojnë se duke marrë vendime tashmë, mund të shmangin vendime akoma më të ashpra më vonë” – tha Javid. Ai tha se masat do të fitojnë kohë për njerëzit që të marrin dozat nxitëse, që sipas tij do të shtojnë mbrojtjten kundër sëmundjes së ashpër, edhe nëse Omicron i shmanget pjesërisht imunitetit të vaksinës. Megjithatë, bizneset reaguan me skepticizëm ndaj urdhërit për të punuar nga shëtpia në një nga periudhat më të zëna të tregtisë të vitit, që është sezoni i pushimeve përpara Krishtlindjeve.
Ndërsa pyetej nëse do të ketë më shumë mbështetje për firmat që mund të humbasin para për shkak të Planit B, Javid tha se do të monitorohet, por masat nuk do të jenë tejet dëmtuese. “Masat nën planin B, edhe spe do kenë ndikim, janë projektuar që të jetë minimal”- tha Javid, që shtoi se nuk ka plan për të aplikuar vaksinimi të detyrueshëm për popullsinë e përgjithshme.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.