Jemi optimistë, por të shqetësuar – Eurobarometri: Shqiptarët mendojnë për ekonominë e vendit dhe mirëqenien e tyre
Në publikimin më të fundit të “Eurobarometrit” nga Komisioni Europian, i cili vjen në formën e një ankete, vihet re qartë se perceptimi i shqiptarëve për situatën aktuale ekonomike të vendit dhe financave të tyre personale ka rënë ndjeshëm. Krahasuar me mesataren e Bashkimit Europian, shqiptarët janë bindshëm më pesimistë. Këtë vit, vetëm 39% e të anketuarve mendojnë se situata ekonomike është e mirë, ndërkohë që një vit më parë kjo normë fiksohej në 53%. Thuajse një e treta e shqiptarëve, më saktë 61% e tyre, mendojnë se situata ekonomike është tërësisht e keqe aktualisht në vend, ndërkohë që një vit më parë kjo normë fiksohej në 49%.
Diferenca me Europën është tërësisht e dukshme. Por, të pyetur për situatën e financave të tyre personale, çështja ndryshon, duke nxjerrë sërish në pah karakterin sa optimist aq edhe paradoksal të shqiptarëve, pasi këtu, 56% e të anketuarve shprehen se është tërësisht e mirë. Vetëm 44% e vlerësojnë si tërësisht të keqe situatën aktuale të financave personale. Pra, në masë, shqiptarët mendojnë se situata e vendit është më keq se situata në shtëpinë e tyre, të paktën sa i përket ekonomisë dhe financave. Sa i përket problemeve kryesore të ekonomisë së vendit, shqiptarët në krye radhisin: situatën ekonomike, papunësinë dhe sigurinë sociale dhe shëndetësore.
Por, të pyetur për shqetësimet personale, ata radhisin në krye: çmimet në rritje bashkë koston e jetesës, kushtet e jetesës si dhe sigurinë shëndetësore dhe sociale. Të pyetur për pritshmëritë në të ardhmen vëmë re edhe një herë se optimizmi i shqiptarëve nuk është venitur aspak, përkundrazi. Të dhënat tregojnë qartë se, shqiptarët janë thuajse dy herë më optimist se europianët. Thuajse gjysma e shqiptarëve presin që situata ekonomike të përmirësohet në 12 muajt e ardhshëm. Në Europë, kjo normë është sa gjysma. Vetëm rreth 20% e shqiptarëve mendojnë se situata do të përkeqësohet,
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.