Jeni të apasionuar pas artit? – Ja cilat janë muzeumet që duhet të vizitoni
Europa është një destinacion i madh turistik për të gjitha kategoritë e njerëzve, veçanërisht për të dashuruarit e artit. Ka ende shumë vende për të vizituar, dhe nëse po flasim për muzeumet, përsëri Europa ka shumë për të ofruar. Nëse ju pëlqen arti, për më tepër ai lloj arti që tregon historinë e paraardhësve tanë në artin bashkëkohor, në Europë do të gjeni shumë muze të tillë.
- Tate Modern
E vendosur në Londër, Tate Modern është një galeri moderne arti e formuar në vitin 2000. Është galeria moderne më e vizituar në botë me rreth 4.7 milion vizitorë në vit. “Tate” mban koleksionin kombëtar të artit “Britanik” nga 1900 deri në ditët e sotme dhe artin modern dhe bashkëkohor ndërkombëtar, duke përfshirë kryeveprat e Henri Matisse, Pablo Picasso, Salvador Dali, Mark Rothko dhe Andy Warhol.
- Qendra Pompidou
Është një muze francez i vendosur në Paris dhe mban statusin “Muzeu më i madh për artin modern në Europë”. Qendra është emëruar nga “Georges Pompidou”. Zyrtarisht është hapur më 31 janar 1977. Kjo qendër merr rreth 6 milion vizitorë në vit dhe mbetet një nga arritjet më arkitektonike të shekullit të 20-të, pasi ka revolucionuar dizajnin e modës së vjetër të muzeut të artit elitist.
- Muzeu Del Prado
Vendosur në një ndërtesë interesante neoklasike në një nga bulevardet më elegante të “Madridit”, “Prado” është një shtëpi mbretërore për kryeveprat “Spanjolle”. Pjesa më e madhe e koleksionit daton nga inaugurimi i muzeut në 1819. Ky muze ka koleksionin më të mirë të pikturave Spanjolle si, Velazquez, El Greco, Jusepe Ribera dhe Francisco Goya, si dhe kryeveprat e shkollave të tjera të artit evropian nga shekulli i 12-të deri në fillim të shekullit të 19-të.
- Galeria Kombëtare
Galeria Kombëtare ndodhet në “Londër”, dhe është një nga muzeumet më të mirë të artit në botë, gjendet në “Sheshin Trafalgar” dhe përmban mbi 2300 piktura të Evropës Perëndimore. Ndër artet më të famshëm “Virgjëresha në shkëmbinj” nga “Leonardo da Vinçi” dhe piktura nga Botticelli dhe Caravaggio. Hyrja në galeri është e lirë, edhe pse vizitorët duhet të paguajnë për të parë disa shfaqje arti.
- Muzeu Serralves
Ky është një vend i mrekullueshëm për dashamirësit e artit dhe njerëzit me shije të mirë. Muzeu në vetvete përmban artin modern dhe ka një kopsht me pellgje dhe një liqen. Muzeu “Serralves” ndodhet në “Porto të Portugalisë” dhe është një shembull i arkitekturës bashkëkohore. Museumi është projektuar nga “Alvaro Siza Vieira” dhe tani është muzeu më i vizituar në “Portugali” me më shumë se 300.000 vizitorë në vit. Është gjithashtu dhe një nga muzetë më të rëndësishme në qarkun e artit bashkëkohor në Evropë.
- Muzeu Gemaldegalefrie
Gemaldegalefrie është një muze arti në “Berlin”, që posedon një nga koleksionet më të mira të pikturave evropiane nga shekulli i 13-të deri në shekullin e 18-të. Gemaldegalerie u hap për herë të parë në 1830 si pjesë e Muzeut Mbretëror. Pjesa më e madhe e ndërtesës dhe më shumë se 400 piktura të mëdha u shkatërruan gjatë “Luftës së Dytë Botërore”. Në ekran janë disa nga kryeveprat më të mira të “Evropës”, të cilat përfaqësojnë çdo periudhë të rëndësishme që përfshin pesë shekuj. Gjashtëmbëdhjetë piktura nga “Rembrandt” shfaqen veçmas në një dhomë tetë këndorë.
- Muzeu Louvre
Luvri ndodhet në “Paris”, dhe ka një nga veprat më të mëdha të artit në botë, duke përfshirë “Mona Lisa” nga “Da Vinci” dhe statuja greke “Venus De Milano”. I ndodhur në Bregun e Djathtë të lumit Sojë në “Paris”, muzeu është vendosur në pallatin e Luvrit nga ku mori edhe emrin. Luvri tani numëron 9 milionë vizitorë në vit, duke e bërë atë muzeun më popullor të artit në botë.
- Galeria e Uffizi
Në listën e muzeve më të famshme dhe më të vjetra të artit në botë është “Galeria e Uffizi”, e ndërtuar në vitin 1581 dhe e vendosur në Firence dhe Itali. Kopshti (oborr i brendshëm) është aq i gjatë dhe i ngushtë, saqë historianët arkitektonikë e trajtojnë atë si rruga e parë e rregulluar në Evropë. Për shkak të koleksionit të saj të madh, disa nga veprat e tij në të kaluarën janë transferuar në muze të tjerë në Firence. Sot, “Uffizi” është një nga atraqksionet më të njohura turistike të Firences.
- Muzeu i Arteve të Bukura “Pushkin”
Nëse do vizitoni “Evropën Lindore”, duhet të shikoni gjithashtu “Muzeun e Arteve të Bukura Pushkin” në Moskë, Rusi. Ka disa nga veprat e arti më të vlefshme që datojnë nga antikiteti në fillim të shekullit të 20-të. Ai gjithashtu ka një koleksion të madh europian të pikturave, shtypjeve, vizatimeve, skulpturës, artit dekorativ dhe të aplikuar që datojnë nga shekulli i 16-të. Ndërtesa kryesore “Pushkin” u ndërtua midis 1898 dhe 1912.
- Muzeu Van Gogh
I dedikuar vetëm për punën e piktorit “Hollandez” ekspresionist i shekullit të 19-të, “Vincent Van Gogh”, ky muze ndodhet në Amsterdam dhe mund të konsiderohet si një nga 10 vendet më të mira për dashamirët e artit në “Evropë”. Me rreth 1.6 milion vizitorë në vit, muzeu është një nga ata më të famshmit në Evropë dhe në Botë. Muzeu “Van Gogh” posedon koleksionin më të madh të pikturave dhe vizatimeve të Van Gogh në të gjithë botën. Ka një total prej 200 piktura, 400 vizatime dhe 700 letra nga ana e artistit, duke rikujtuar fazat e ndryshme të jetës artistike të Van Gogh.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.