Jeni të apasionuar pas udhëtimeve? – Ja profesionet që ua japin këtë mundësi
Nëse i pëlqeni udhëtimet, atëherë ku ka më mirë se të gjeni një punë e cila ju shëtit nëpër vende të ndryshme të botës e mbi të gjitha ju paguan për këtë gjë.
Puna në shtete të ndryshme të botës nuk është e dëshirueshme nga njerëzit pasi mendohet se punë të tilla nuk të lejojnë të krijosh familje e të kesh një jetë stabël.
Po ku ka më mirë nëse në këto punë punësohen personat e apasionuar pas udhëtimeve? Në këtë mënyrë personat do të jenë më produktiv, gjë e cila është në të mirë të kompanisë dhe njëkohësisht do të jenë të kënaqur sepse në të njëjtën kohë që punojnë marrin dhe kënaqësinë e udhëtimit.
Ekzistojnë disa profesione të ndryshme të cilat ju ofrojnë mundësinë të lëvizni nëpër shtete të ndryshme të botës e madje ju paguajnë mjaft mirë pasi puna larg shtëpisë është një punë jo e kërkuar. Më poshtë do të gjeni disa prej tyre.
- Guidë turistike
Ju do të mund të takoni kaq shumë njerëz nga e gjithë bota të cilët do t’ju ndihmojnë të krijoni përvoja të paharrueshme në grup. Ka kompani udhëtimi të panumërta që operojnë në çdo cep të globit. Vendimi më i vështirë është të vendosni se ku dëshironi të punoni.
- Stjuardesë
Shoqëruesit e fluturimit shkojnë nga një qytet në tjetrin, dhe shpesh qëndrojnë disa ditë në një nga qytet e rastit përpara se ata të udhëtojnë përsëri për një destinacion tjetër.
- Puna në kroçerë
Gjithashtu edhe punonjësve të anijeve turistike iu ndodh të udhëtojnë nëpër vende të ndryshme të botës dhe të qëndrojnë disa ditë në vende të ndryshme ku mund të përfitojnë vizita të shkurtra në zbulimin e kulturave të reja.
- Babysitter jashtë vendit
Kompani të shumta internacionale punësimi ju japin mundësinë të punoni si “baby-sitter” (dado fëmijësh) në vende të ndryshme të botës.
- Të punosh në një kompani internacionale
Është mundësia e lartë për të dalë më shumë se disa herë në vit jashtë shtetit për punë të ndryshme të kompanisë tuaj po kjo nuk do të thotë që nuk do të keni kohë për të shëtitur dhe për të pasur pak kohë për veten tuaj.
- Të bësh biznes online
Biznesi online ju jep mundësinë e zgjerimit dhe reklamimit të tij nëpërmjet panaireve të mëdha që organizohen në vende të ndryshme të botës.
- Koordinatore eventesh
Nëse dëshironi të jeni një koordinator i afirmuar eventesh eatëherë patjetër që duhet të udhëtoni në vende të ndryshme.
- Arkeolog
Gjithmonë në kërkim të zbulimeve të reja arkeologjike, ju lejon jo vetëm të zbuloni qytetërime të vjetra, por edhe të reja…
- Përkthyes
Kompani të ndryshme të mëdha dhe sidomos kompanitë që kanë partnerë të huaj ose që bashkëpunojnë me kompani të huaja do t’ju japin gjithmonë mundësinë për të udhëtuar.
Viola Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
