Jeni të interesuar për një vërtetim papunësie? Si mund të aplikoni pa qenë e nevojshme të shkoni te Zyrat e Punës. Dokumentet dhe hapat që duhet të ndiqni
Je i/e papunë dhe kërkon një vërtetim papunësie, por e ke të pamundur të shkosh pranë Zyrave të Punës? Shërbimi e-Albania iu vjen në ndihmë të gjithë qytetarëve të interesuar.
Apliko online te shërbimi elektronik “Aplikimi për vërtetim si punëkërkues i papunë”, për lëshim vërtetimi si punëkërkues i papunë drejt një Zyre Pune. E gjithë procedura kryhet shpejt, lehtë dhe pa vonesa.
“Shërbimi elektronik “Aplikimi për vërtetim si punëkërkues i papunë në portalin qeveritar e-Albania” i vë në dispozicion qytetarit (personave që do të trajtohen me të ardhura nga papunësia) mundësinë për të bërë një kërkesë online për lëshim vërtetimi si punëkërkues i papunë drejt një Zyre Pune. Ky shërbim elektronik i ofrohet çdo qytetari, nga profili i tij tek portali e-Albania”, thuhet në njoftimin e portalit e-Albania.
Dokumentacioni i nevojshëm
Dokument i identifikimit të përdoruesit: kartë identiteti ose pasaportë biometrike (i nevojshëm për t’u loguar në portalin e-Albania).
Hapat e procedurës
-Qytetari regjistrohet dhe hyn tek profili i tij në portalin e-Albania për të aksesuar shërbimin “Aplikim për Vërtetim Papunësie”
-Plotëson të dhënat e formës së kërkesës për lëshim vërtetimi si punëkërkues i papunë duke zgjedhur Zyrën e Punës dhe klikon butonin “Dërgo”
-Sistemi e dërgon kërkesën me e-mail dhe Zyra e Punës përkatëse merr kërkesën dhe e trajton atë.
Shërbimi do të ofrohet menjëherë, periudha e vlefshmërisë është pa afat, ndërkohë që shërbimi do të ofrohet pa pagesë.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.