Jo taksa për inputet bujqësore – Paketa fiskale, Peleshi: Kosto e taksave arrin deri në 10 milionë euro
Ndërsa po hartohet paketa me lehtësi fiskale për vitin e ardhshëm, Ministria e Bujqësisë ka propozuar dhe është në diskutime me Ministrinë e Financave për uljen e kostove të inputeve bujqësore.
Në një intervistë ekskluzive për TV SCAN, Ministri i Bujqësisë Niko Peleshi bën me dije se po shikohet kjo formë ndihmese ndaj fermerëve, pasi imputet zënë gjysmën e kostove të produktit final.
Në total e gjithë vlera që paguajnë sot fermerët për blerjen e lëndëve të para bujqësore, shkon në rreth 10 milion euro.
Me paketën fiskale të Qershorit, u vendos edhe ulja e tatim fitimit në 5 për qind për Shoqëritë e Bashkëpunimit Bujqësor si dhe u ndërmorën lehtësi fiskale për agroturizmin.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.