Joe Biden për President – Mund të jetë i nominuari i demokratëve për 2020, ende asgjë zyrtare
Joe Biden, ish zv.President i Shteteve të Bashkuara të Amerikës është shumë pranë anoncimit të kandidaturës së tij për zgjedhjet presidenciale të vitit 2020. Burime të ndryshme pranë mediave amerikane bëjnë me dije se kandidatura e tij do të zyrtarizohet vetëm në rast se ish zv.Presidenti do të ketë një siguri të lartë se mund të fitojë nominimin mes demokratëve.
Në garë mes demokratëve mund të jetë sërish Hillary Clinton, e cila në 2016 humbi zgjedhjet presidenciale përballë presidentit aktual të Shteteve të Bashkuara të Amerikës, Donald Trump.
Ish senatori i Delaware, dhe zv.President nën mandatin e Barack Obama gëzon një popullaritet të lartë mes amerikanëve, dhe duket se kjo e shtyn atë që të mendojë seriozisht një kandidim.
Në zgjedhjet e vitit 2020 do të jetë sërish Bernie Sanders, i cili nuk vjen nga radhët e dy partive tradicionale. Sanders garoi edhe në vitin 2016 dhe duket se nuk është dorëzuar në betejën për të ndryshuar Amerikën sipas vizionit që ai vetë ka.
Mësohet se Biden nuk do të vendosë të kandidohet në rast se sheh të dalë në skenë një kandidat i fortë në gjendje të mundë Donald Trump. Gjithsesi, persona shumë pranë tij shprehen se ai do të kandidohet.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.