John Kerry rikthehet në “lojë” – Biden emëron ish Sekretarin e Shtetit si “të besuarin” e tij për çështjet klimatike
Presidenca e Biden ka rikthyer edhe John Kerry – n në “lojë”! Ish Sekretari i Shtetit Amerikan është zgjedhur si një nga arkitektët drejtues të marrëveshjes klimatike në Paris. Thënë ndryshe, si një nga të dërguarit “e besuar”.
Ky emërim shënon një ndarje të madhe nga politikat klimatike të administratës Trump, ndërsa Biden bëri premtime “të mira” gjatë fushatës së tij, në mënyrën se si do të trajtonte çështjet klimatike.
Emërimet vijnë në një kohë që Trump-it po i kërkohet të pranojë rezultatin e zgjedhjeve presidenciale.
Ekipi i Biden tha se Kerry do të jetë duke luftuar me ndryshimet klimatike me kohë të plotë. Kerry ka nënshkruar marrëveshjen e Parisit për klimën në emër të SHBA-së në vitin 2016. Marrëveshja angazhoi vendet që të punojnë për parandalimin e rritjes së temperaturës globale.
Në vitin 2019, Kerry nënshkroi një koalicion të liderëve botërorë dhe të famshëm të quajtur “Lufta Botërore Zero”, për të bërë thirrje për veprime të ndryshimit të klimës dhe emisionit neto të karbonit.
Pas emërimit në postin e ri të ditës së hënë, Kerry shkroi në profilin e tij në Twitter: “Amerika së shpejti do të ketë një qeveri që e trajton krizën e klimës si kërcënim urgjent të sigurisë kombëtare”.
Burimi origjinal: BBC
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.