Johnson aktivizon “Planin B” të Covid – Kërkon punën nga shtëpia, vendosjen e maskave dhe Green Pass në disa vende
Kryeministri britanik Boris Johnson, tha se po nis të ashtuquajturin planin B për Anglinë, ku përfshihen udhëzime për njerëzit që të punojnë nga shtëpia, për të ngadalësuar përhapjen e variantit Omicron të koronavirusit. Nga data 10 Dhjetor, kërkesat ligjore për të vendosur një maskë do të zgjerohen ndaj shumicës së aktiviteteve të brendshme publike, përfshirë teatrot dhe kinematë. Pasaporta e Covid do të jetë gjithashtu e detyrueshme për të aksesuar klubet e natës dhe ambiente me grupe të mëdha të njerëzve.
Kryeministri tha se ndërkohë që qeveria cakton planin B, bizneseve do t’i lihet kohë 1 javë për kërkesat e pasaportës së Covid, e për rrjedhojë rregullat do të hyjnë në fuqi pas 1 jave. Duke lajmëruar udhëzimet e reja, Johnson prezantoi teste ditore për kontaktet, në vend të izolimit. Kryeministri britanik shtoi se kur të bëhet e qartë se dozat nxitëse kanë aftësinë për të përmbajtur Omicron, atëherë do të vendi do t’ përshpejtojë. Johnson, që hoqi shumicën e masave në Angli gjatë Korrikut, kishte premtuar se do të navigonte përmes dimrit pa një karantinë të katërt të Covid-19, pos ka mbajtur rezervë planin B.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.