Johnson dhe Hunt “kokë më kokë” në garën e konservatorëve
Boris Johnson dhe Jeremy Hunt janë dy deputetët e fundit konservatorë në garën për t’u bërë udhëheqës të ardhshëm të partisë si dhe kryeministër i Mbretërisë së Bashkuar. Favoriti Boris Johnson kaloi shumë përpara kundërshtarit të tij me 160 vota nga 313, ndërsa Jeremy Hunt mori 77 vota kundrejt 75 votave të Michael Gove.
Michael Gove ishte renditur përpara Sekretarit të Jashtëm Jeremy Hunt në garën e udhëheqjes së Partisë Konservatore me 61 vota kundrejt 59 në raundin e katërt. Gjatë raundit pati një fletëvotimi të anulluar. Zgjedhja midis dy deputetëve tani do t’u lihet anëtarëve të Partisë Konservatore në një fletëvotim postar. Kushdo që ata zgjedhin do të jetë kryeministri i ardhshëm i Mbretërisë së Bashkuar. Fituesi pritet të shpallet në fund të korrikut. Johnson falënderoi kolegët e tij për mbështetjen e tyre dhe shtoi se ata ende kishin një rrugë të gjatë për të bërë.
Ish ministri i jashtëm dhe krye bashkiaku i Londrës janë zotuar të nxjerrin Britaninë e Madhe nga BE deri në 31 tetor pa marrë parasysh koston. Në raundin e katërt të zhvilluar më parë, ministri i brendshëm Sajid Javid u eliminua nga gara, duke marrë vetëm 34 fletë votimi. Javid, i cili është Ministri i parë i Brendshëm i Mbretërisë së Bashkuar nga një pakicë etnike, publikoi një mesazh në rrjetin twitter duke se thënë se shpresonte se “fëmijët si ai” të ishin frymëzuar nga “ambicia dhe sjellja” e tij gjatë garës.
Rory Stewart u eliminua nga gara për të zëvendësuar Theresa May si kryeministër i Mbretërisë së Bashkuar të mërkurën. Stewart, i cili përkrah një Brexit më të butë, mori vetëm 27 vota në raundin e fundit të votimit nga deputetët konservatorë.
Burimi: Euronews
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.