Johnson pranon “fajin”. Subvencionet për të ngrënë jashtë mund të kenë përhapur Covid-19
Kryeminstri i Britanisë, Boris Johnson, pranoi se plani i tij qeveritar gjatë Verës për të subvencionuar ngrënien në restorante, mund të ketë shpërndarë koronavirusin. Nën iniciativën “Hani Jashtë dhe Ndihmoni”, qeveria pagoi deri në 10 paund (12.94 USD) për person, tek kosto e një vakti në restorant apo kafene, në përpjekje për të nxitur ekonominë dhe inkurajuar njerëzit që të shpenzojnë përsëri, pas karantinës së koronavirusit.
Rritja e rasteve me Covid-19 që prej Shtatorit ka detyruar Johnson që të kufizojë sektorin e mikpritjes, duke vendosur një afat deri në orën 10 të mbrëmjes, si dhe rregulla më të ashpra për maskat në bare dhe restorante.
Në një intervistë për BBC, Johnson mbrojti programin “Hani Jashtë dhe Ndihmoni”, për mbështetjen e miliona vendeve të punës në industrinë e mikpritjes, por pranoi se mund të ketë patur ndikim te rritja e infeksioneve. “Është e rëndësishme të ruajmë vendet e punës. Por, ndërsa skema mund të ketë përhapur virusin, ne na duhet ta ndalojmë”,- tha Johnson.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.