Johnson synon ende marrëveshjen – Thotë se BE do ndryshojë mendje për masën e Irlandës

Bashkimi Europian do të heq dorë nga masa që synon parandalimin e kufijve të ashpër në Irlandë pas Brexit, që ka qenë një nga çështjet më të mëdha në pranimin e marrëveshjes së Brexit, sipas Kryeministrit Boris Johnson.    Johnson po përpiqet të heqë këtë masë nga marrëveshja e daljes së Britanisë nga Europa, në mënyrë që të sigurojë një pakt të ri, që të mund të mbështetet nga parlamenti britanik.  Ndërsa pyetej gjatë një interviste nëse beson me të vërtetë që Bashkimi Europian do hapë rrugë për këtë çështje, ai tha që po.

Mendoj që Bashkimi Europian do ndryshojë mendje.  Ata po konsiderojnë që tani mënyra të tjera që na lejojnë të bashkëpunojmë me miqtë tanë Irlandez.  Ne duhet të respektojmë unitetin e tregut të përbashkët Europian, u shpreh ai.

Ish ministrja i kabinetit, Amber Rudd,  që u shfaq gjithashtu në intervistë, tha se mënyra e komunikimit të Johnson në lidhje me procesin e Brexit është “e pandershme dhe e rrezikshme”.    Rudd dha dorëheqjen nga Qeveria dhe partia Konservatore në Shtator, duke thënë se nuk mund të qëndronte më  pasi pa që anëtarët besnikë të partisë u përjashtuan pasi nuk votuan për Johnson.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.