Juncker për buxhetin italian – “Komisioni do të propozojë ndryshime nëse do të jetë e nevojshme”
Komisioni Europian nuk do të ndërhyjë në planet e buxhetit në Itali dhe do ta vlerësojë atë pa paragjykim, por do të propozojë ndryshime nëse është e nevojshme, sipas presidentit të Komisionit, Jean-Claude Juncker. “I takon politikëbërësve në Itali që të gjejnë rregulla që do të lejojnë vendin që t’i respektojë objektivat buxhetorë”, tha Juncker. Ndërkohë, kandidati për presidentin e Komisionit, tha se qeveria italiane duhet të zbatojë reforma strukturore dhe masa shtrënguese, tashmë që ekonomia po rritet.
Alexander Stubb, ish-kryeministri i Finlandës, vuri theksin te respektimi i rregullave. Qeveria populiste e Italisë është përplasur me Bashkimin Europian në lidhje me planin e shpenzimeve. Kabineti kërkon një defiçit prej 2.4% të PBB në vitin 2019, që devijon nga marrëveshjet e mëparshme mes Romës dhe Brukselit. “Kur ekonomia ka performancë të fortë, atëherë është koha që të zbatohen reforma strukturore dhe masa shtrënguese”, tha Stubb.
Pas krizës së borxhit sovran, ekonomia italiane ka treguar performancë të dobët. Megjithatë, në vitin 2016, norma arrit në 0.9%, duke ndjekur me 1.5% në 2017-ën, dhe projektohet në 1.2% këtë vit. Investitorët shqetësohen se me normë në rreth 1% dhe shpenzime të larta, Italia ndodhet në rrezikun e një krize, ndërkohë që ka edhe borxhin e dytë më të madh në Europë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.