Kaledonia e Re voton kundër pavarësisë nga Franca
Arkipelag i Paqësorit të Jugut të Kaledonisë së Re votoi kundër pavarësisë nga Franca, një proces dekolonizimi i nisur prej 30 vjetësh.
Bazuar në rezultatet e hershme dhe me një përqindje pjesëmarrjeje prej rreth 80%, votimi “Jo” ishte në masën 56.9% , sipas të dhënave të publikuar nga media lokale “NC La Iere”.
“Kaledonasit e rinj kanë zgjedhur të qëndrojnë në pjesën frënge … Është një votë e besimit në republikën franceze, për të ardhmen dhe vlerat e saj”, tha presidenti Emmanuel Macron në një fjalim në televizionin francez.
Ky është votimi i parë për pavarësinë që mbahet në territorin francez që pas pavarësisë së Djibouti-t në Bririn e Afrikës në vitin 1977.
Gjatë një udhëtimi të mëparshëm në arkipelag në maj, Macron pranoi “dhimbjet e kolonizimit” dhe përshëndeti fushatën “dinjitoze” për autonominë e udhëhequr nga kanakët indigjenë.
Votuesit u pyetën “A doni që Kaledonia e Re të fitojë sovranitetin e plotë dhe të bëhet i pavarur?”
Pavarësisht nga shtrirja prej 16 mijë kilometra larg bregut të Australisë lindore, nacionalizmi francez është i fortë në mesin e popullsisë ishullore prej 268,000 banorësh.
Të dhënat e hershme nga votimi tregojnë se ishujt do të qëndrojnë me Francën, e cila subvencionon ekonominë e Kaledonisë së Re në një masë prej 1.5 miliardë euro në vit.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.